.فاكرين فيلم حياه او موت ..
اللي دايما بنضحك ونعيط في نفس الوقت من قوة أحداث الفيلم الرائعة وبعد انتهاء الفيلم نقعد نقول لبعض
( احمد إبراهيم القاطن بدير النحاس الدواء فيه سم قاتل )
لما تشوفوا الفيلم من اوله وتشوفوا بنت احمد إبراهيم ( عماد حمدي ) طول الفيلم في رحلة بحثها عن الدواء .هتلاحظوا حاجات مبهره في الشارع المصرى زمان.
هتشوفوا الكمسرى اللي صفر لسواق المترو عشان يمشي بسرعه لما شاف البنّت بتقوله مستعجله اروح العتبه عشان اجيب الدوا لبابا .
هتشوفوا الراجل اللي خد البنّت ع العجله يوصلها للمترو اللي بيروح العتبه .
هتشوفوا صاحب الصيدلية ( حسين رياض ) اللي أتنازل عن قرش من ثمن الدوا لما لقي البنّت معهاش فلوس كفايه .
هتلاقوا الناس اللي جريت لما البنّت صرخت لما الراجل الخمورجى سرق الدوا منها وأفتكرها خمره.
هتلاقوا الراجل اللي جري ع البنّت لما ازازه الدوا وقعت في الارض ودخل خماره يجيب ازازه فاضيه يحطلها فيها الدوا . هتلاقي الشرطه اللي اتفاعلت وجريت واتعاونت مع الاذاعه عشان ينقذوا احمد ابراهيم .
هتلاقوا البنّت في اخر الفيلم بتشكر المأمور اللي هو ( يوسف بك وهبه ) وبتقوله شكرا يا شاويش من غير ما يزعقلها ويقولها انا الباشا مش شاويش .
فيلم أخلاق تدرس .زمان وأيام زمان
.كان كل واحد عنده ضمير لوحده ..
عرفتوا ليه البركه والخير كانوا زمان...لان كان في أخلاق.. السينما .كان فيها وعي وأفلام هادفه لان كان في عقول ناضجه عارفه أن اللي بيتفرج هو ابنه وابني..عارفين أن دي دروس بنتعلم منها ..وأنها واجه لمصر......
نلوم علي البلطجي..هو نتاج مجتمع بعج بالفساد ...أفلام منتجين بدون ذكر أسماء عرفته إذاي يمسك السلاح الأبيض صح...عرفته اذاي يكون.مدمن..عرفته اذاي يكون بلا أخلاق....بينت .السلبيات الموجودة في المجتمع...خلت صوره مصر هي شارع الهرم.. والباطنية.....
أنا عن نفسي يعتبر ده هو الإرهاب الحقيقي اللي بنعيشه مع ولادنا..بقينا نخاف عليهم ليل ونهار من التليفزيون وقنوات الدش .. صحيح البيت هو الأساس وعليه عامل كبيررر
لكن في سند بيكمل البيت هو الاسرة والعائلة والمجتمع اللي بيعدلوا الدفه .....
من اللي بيحاولوا يفسدوها بكل الطرق ويفسدوا أخلاق الناس ....
ده رأي الشخصي وده تحليلي للي بيحصل مع أولادنا ... وفي أخلاقهم .....
سلمنا الله من شرور الفتن والمعاصي وحفظنا وحفظ أولادنا منها جميعا
أسعد الله أوقاتكم بكل خير وسعادة
شاركونا الرأي في التعليقات
# كنتم مع مقالات نظرة علي فيلم حياه أو موت
