" حرام تصلي بالحذاء "
" حرام تصلي عالأرض بدون مُصلّية "
كلام زي ده بنسمعه كتير لما نصلّي في الشارع أو أي مكان بره بيتنا .. فهل ده حقيقي ؟؟
أولًا الصلاة بالحذاء مش حرام ومش مكروه كمان بل بالعكس دي
( سُنّة ) يعني اللي يعملها بنية السُنّة ياخد أجر ..
قال رسول الله ﷺ : " خالفوا اليهود فإنهم لا يُصلّون في نِعالِهم " . .
هتقول طب ما الحذاء بيتنجّس واحنا ماشيين بيه في الشارع ؟ ..
- شرط النجاسة إنك تشوف النجاسة دي بعينك .. يعني طالما الحذاء عليه بس تراب من الأرض يبقى طاهر ويجوز الصلاة بيه،
قال رسول الله ﷺ : " إذا جاء أحدكم إلى المسجد فلينظر فإن رأى في نعليه قذرًا أو أذى فليمسحه وليُصَلّ فيهما "
حد يقول هدخل اصلي في المسجد بالكوتشي عشان آخد أجر بقى ؟
- لأ ما هو هنا ما ينفعش لأن كده هتوسخ السجاد وهتئذي باقي المصلين .. لكن الصلاة بالحذاء لما تكون بتصلي على أرض أو مكان مافهوش سجاد مثلا ..
وهو ينفع نصلّي عالأرض من غير مُصلّية ؟
- آه ينفع .. دي من الحاجات اللي اختص بيها ربنا أُمّة محمد ،
قال رسول الله ﷺ :
" أُعطِيتُ خمسًا لم يُعطَهنَّ نبيٌّ قبلي : .. وجُعِلَت لي الأرض مسجداً وطهوراً "
في الأمم السابقة كان لازم يروحوا مكان مخصص للصلاة لكن ربنا أنعم على أُمّتنا إنه جعل لنا كل الأرض مسجد .. فيجوز تصلّي عالأرض طالما ما شفتش عليها نجاسة بعينك ..
لازم احنا ك مسلمين نكون عارفين كل معلومة عن الدين الإسلامي
معلومه زي كدا مينفعش تضيع مننا
# كنتم مع تعاليم الإسلام هل حرام تصلي بالحذاء ؟
